ende brenghen ’t in ’t ghemeen so wat
sij hebben, sonder enich vordel daer-
off te begheren het en dede hem noet
off siecte. Voert soe wie datter enich
besproken gheselscap hielde off, also
hert ende eenwillich waer datten ande-
ren dicwile daer onvrede off quame,
ende dat als men ’t hem eenwerve ende
anderwe gheseyt hadde nyet laten
en woude. Ende die ghemeen ghewoen-
te mitten anderen nyet en hielde. Ende
den meeste deel dochte dat sij beter
vandaen waer. Off soe wie dat enich
van al desen voerseiden punten niet hou-
den en woude. Al arghelist uutghe-
seyt dien souden wij sonder vertreck
weder uut den huse setten sonder eni-
ghe hope daer weder in te comen.
Ende om dat wij willen dat
dit vast ende ghestade ghehouden
werde, soe hebben wij onse zeghele
aen dese brieff gehangen. Ghegeven
in ’t jaer ons Heren dusent CCC ende XC *