mer te leven van horen handen ende van
dat sij daer inbrochten. Ende mit veel an-
der punten als die brieff voerscreven dat
uutwiset, beseghelt mit horen zegelen,
daer wij off hebben een copie in onser
kist – mer die principaelbrieff is in der
stadtkist besloeten, ende die copie staet
hiervoer bescreven.
Als wij aldus vergadert waren,
als voerseit is, ende ons die stat
van Utrecht twee mannen voergenoemt
gheset hadden, ende ons goede insettinge
vredeliken te leven gheset hadden, doe
ontbrack ons noch goede insettinge
gheesteliken te leven. Soe hebben wi
ons volcomeliken overghegheven
onder her Wermbout ende onder die
moeder van Sunte-Cecilien horen raet
in allen te volghen. Des ghelikes heb-
ben oec die ander conventen ghedaen,
also dat wij al in eenre mynnen stonden.
Ende die toe Sunte-Cecilien biechtvader
was, die was over al ende dit duerde
langhe jaren, oec nae her Wermbouts